MIGNONNE, ALLONS VOIR SI LA ROSE

                         A Cassandre

Mignonne, allons voir si la rose
Qui ce matin avoit desclose
Sa robe de pourpre au Soleil,
A point perdu ceste vesprée
Les plis de sa robe pourprée,
Et son teint au vostre pareil.

Las ! voyez comme en peu d'espace,
Mignonne, elle a dessus la place
Las ! las ses beautez laissé cheoir !
Ô vrayment marastre Nature,
Puis qu'une telle fleur ne dure
Que du matin jusques au soir !

Donc, si vous me croyez, mignonne,
Tandis que vostre âge fleuronne
En sa plus verte nouveauté,
Cueillez, cueillez vostre jeunesse :
Comme à ceste fleur la vieillesse
Fera ternir vostre beauté.

                                    Pierre de Ronsard  (  1524 - 1585 )

Poème dédié à Cassandre Salviati que Ronsard rencontra à Blois en 1545... amour platonique, Cassandre était alors âgée de 13 ans. Elle se maria en 1547 avec le seigneur de Pré.

Bonne fête à toutes les Rose

Prima